რუსეთის 1 167 მოქალაქეს ლატვიიდან დეპორტაცია ემუქრება. LETA-ს ინფორმაციით, მათ არ შეასრულეს საიმიგრაციო კანონში შეტანილი ცვლილებების მოთხოვნები და არ წარადგინეს ქვეყანაში ბინადრობის მიღებისთვის საჭირო დოკუმენტები.
რუსეთის ფედერაციის მოქალაქეებს, რომლებსაც აქვთ საპატიო მიზეზები, არ ჩააბარონ ლატვიური ენის გამოცდა, შეძლებენ ბინადრობის ნებართვის მისაღებად განაცხადის შეტანას 2024 წლის 31 მარტამდე.
მოქალქეობისა და მიგრაციის საკითხთა დეპარატმენტის (PMLP) ხელმძღვანელის მაირა როზეს განცხადებით, ლატვიაში ბინადრობის ნებართვა გაიცემა ორი წლის ვადით.
საიმიგრაციო კანონისთანახმად, რუსეთის მოქალაქეებისთვის გაცემული მუდმივი ბინადრობის ნებართვა 2023 წლის სექტემბერში ამოიწურა.
ლატვიაში საცხოვრებლად მათ უნდა წარადგინონ განაცხადი ევროკავშირის მუდმივი მცხოვრების სტატუსის მისაღებად, თუმცა ამისთვის უნდა იცოდნენ ლატვიური ენა მინიმალურ დონეზე და გააჩნდეთ გარკვეული ფინანსური რესურსი.
