ირანის რევოლუციის გუშაგთა არმიის კორპუსის მეთაურის, ქასემ სოლეიმანის საფლავთან აფეთქების შედეგად დაღუპულთა რაოდენობა 73-მდე გაიზარდა. დაშავებულია 170 ადამიანი.
ირანული მედიის ინფორმაციით, ქალაქ კერმანში, ქასემ სოლეიმანის სიკვდილის მე-4 წლისთავის სამგლოვიარო მსვლელობის დროს 2 აფეთქება მოხდა. IRNA-ს ცნობით, პირველი აფეთქება სოლეიმანის საფლავიდან 700 მეტრის დაშორებით მოხდა, მეორე კი 1 კილომეტრის რადიუსზე.
ირანული მედია იუწყება, რომ მავზოლეუმის შესასვლელთან იდო ორი ჩანთა, რომელშიც ბომბები იყო მოთავსებული. მათივე ცნობით, ჩანთები დისტანციური მოწყობილობების ამოქმედების შედეგად აფეთქდა.
ქასემ სოლეიმანი აშშ-ს საჰაერო იერიშის შედეგად 2020 წელს მოკლეს.
