შეერთებულმა შტატებმა კატართან მიაღწია შეთანხმებას, რომლის თანახმად, აშშ-ის სამხედრო ყოფნა ახლო აღმოსავლეთის უდიდეს ბაზაზე კიდევ 10 წლით გახანგრძლივდება. ამის შესახებ წყაროზე დაყრდნობით იუწყება CNN
აღნიშნულია, რომ შეთანხმება, რომელიც საჯაროდ არ გამოცხადებულა, ხაზს უსვამს ვაშინგტონის დამოკიდებულებას სპარსეთის ყურის შედარებით პატარა ქვეყანაზე, რომელმაც ცოტა ხნის წინ მნიშვნელოვანი როლი ითამაშა, როგორც შუამავალმა, ღაზასა და ვენესუელაში ამერიკელების ტყვეობიდან გათავისუფლებაში.
შეერთებულმა შტატებმა არ გაახმაურა შეთანხმების გაგრძელება, რადგან კატარი განაგძრობს ტერორისტული დაჯგუფება „ჰამასის“ ლიდერების თავის ტერიტორიაზე მიღებას.
ალ-უდეიდის საჰაერო ძალების ბაზა, რომელიც მდებარეობს დოჰას სამხრეთ-დასავლეთით უდაბნოში, არის აშშ-ს უდიდესი სამხედრო ობიექტი ახლო აღმოსავლეთში და მას შეუძლია 10 000-ზე მეტი ამერიკელი ჯარისკაცის განთავსება.
ავიაბაზა იყო ავღანეთში, ირანსა და ახლო აღმოსავლეთში და მის გარშემო საკვანძო ცენტრი აშშ-ის ცენტრალური სარდლობის საჰაერო ოპერაციებისათვის. ამ ბაზას ასევე იყენებდნენ კატარისა და ბრიტანეთის საჰაერო ძალები.
ობიექტის გაფართოება მიმდინარეობს იმ პერიოდში, როდესაც შეერთებული შტატები აძლიერებს თავის ყოფნას რეგიონში - ერაყში, სირიასა და იემენში ირანის მიერ მხარდაჭერილი დაჯგუფებების საფრთხეების ესკალაციის ფონზე.
