პოლონეთის შეიარაღებული ძალების გენშტაბმა განაცხადა, რომ პარასკევს, 29 დეკემბერს, პოლონეთის საჰაერო სივრცე რუსულმა რაკეტამ დაარღვია.
ამის შესახებ პოლონეთის ეროვნული უსაფრთხოების ბიუროს შეხვედრის შემდეგ გამართულ ბრიფინგზე პოლონეთის არმიის გენერალური შტაბის უფროსმა ვესლავ კუკულამ განაცხადა.
"ყველაფერი იმაზე მიუთითებს, რომ რუსული რაკეტა პოლონეთის საჰაერო სივრცეში შეიჭრა. ამის დადასტურება გვაქვს ეროვნულ და მოკავშირე რადარებზე", - განაცხადა კუკულამ.
რამდენიმე საათის წინ პოლონეთის საჰაერო სივრცეში ამოუცნობი მფრინავი ობიექტი დააფიქსირეს, პოლონური მედია იუწყებოდა, რომ პოლონეთის საჰაერო სივრცეში შეფრინდა რუსული ფრთოსანი რაკეტა, რომელიც ისევ უკრაინაში შებრუნდა, სადაც უკრაინის თავდაცვის ძალებმა გაანადგურეს.
ამასთან, პოლონეთის პრეზიდენტმა ანჯეი დუდამ ეროვნული უშიშიროების საბჭოს სხდომის ჩატარება მოითხოვა.
