უკრაინის შეიარაღებული ძალების მთავარსარდალი ვალერი ზალუჟნი მიიჩნევს, რომ არაფერია რეზონანსული იმაში, რომ უკრაინელმა ჯარისკაცებმა დაიხიეს მარინკის გარეუბანში, რომელსაც რუსები თითქმის 2 წლის განმავლობაში ანადგურებდნენ.
„ახლა მარინკის გარეუბანში დავიხიეთ, ზოგან უკვე მოვამზადეთ პოზიციები მარინკის გარეთ - ამაში არაფერია ისეთი, რამაც შეიძლება ფართო რეზონანსი გამოიწვიოს. ომი, სამწუხაროდ, ასეთია. დღეის მდგომარეობით უკრაინის ჯარები კვლავ ქალაქის ჩრდილოეთ ნაწილში იმყოფებიან. “, - თქვა ზალუჟნიმ ბრიფინგზე.
მისი თქმით, უკრაინის მიწის ყოველი ნაწილი მნიშვნელოვანია, მაგრამ უფრო მნიშვნელოვანია ჯარისკაცების სიცოცხლე.
გუშინ, რუსულმა პროპაგანდისტულმა მედიამ გაავრცელა ინფორმაცია, რომ რუსეთის თავდაცვის მინისტრმა სერგეი შოიგუმ რუსეთის პრეზიდენტს ვლადიმირ პუტინს მარინკის აღების შესახებ აცნობა.
თუმცა უკრაინის თავდაცვის ძალებში ინფორმაცია რუსების მიერ დონეცკის ოლქის ქალაქ მარინკის აღების შესახებ.
"ბრძოლა მარინკისთვის გრძელდება. ახლა ჩვენი სამხედროები მარინკის ადმინისტრაციულ საზღვრებში არიან. მაგრამ ქალაქი მთლიანად განადგურებულია, მარინკას სრულ დაკავებაზე {რუსული ძალების მიერ} ლაპარაკი არასწორია," - განაცხადა თავდაცვის ძალების ტავრიის მიმართულების პრესცენტრის წარმომადგენელმა ალექსანდრ შტუპუნმა.
