რუსეთის თავდაცვის სამინისტრომ შავი ზღვის ფლოტის სადესანტო გემ „ნოვოჩერკასკიზე“ თავდასხმა დაადასტურა, მათი განცხადებით, თავდასხმის შედეგად გემი დაზიანდა.
რუსეთის თავდაცვის სმინისტროში აცხადებენ, რომ დიდ სადესანტო ხომალდ „ნოვოჩერკასკსს“ თავს დაესხა უკრაინული თვითმფრინავი მართვადი რაკეტებით.
ამასთან, ანექსირებული ყირიმის ე.წ. ადმინისტრაციის ხელმძღვანელის, სერგეი აქსიონოვის განცხადებით, თავდასხმას ერთი ადამიანი ემსხვერპლა და დაზიანდა ექვსი შენობა.
მანამდე, უკრაინის სამხედრო საჰაერო ძალებში განაცხადეს, რომ რუსეთის საზღვაო ძალების შავი ზღვის ფლოტის სადესანტო გემი „ნოვოჩერკასკი“ ააფეთქეს.
