უკრაინული მედიის ცნობით, თავდაცვის ძალების ტავრიის მიმართულების პრესცენტრის წარმომადგენელმა ალექსანდრ შტუპუნმა უარყო რუსული მედიის ინფორმაცია დონეცკის ოლქის ქალაქ მარინკის აღების შესახებ.
"ბრძოლა მარინკისთვის გრძელდება. ახლა ჩვენი სამხედროები მარინკის ადმინისტრაციულ საზღვრებში არიან. მაგრამ ქალაქი მთლიანად განადგურებულია, მარინკას სრულ დაკავებაზე {რუსული ძალების მიერ} ლაპარაკი არასწორია," - განაცხადა შტუპუნმა.
მანამდე რუსულმა პროპაგანდისტულმა მედიამ გაავრცელა ინფორმაცია, რომ რუსეთის თავდაცვის მინისტრმა სერგეი შოიგუმ რუსეთის პრეზიდენტს ვლადიმირ პუტინს მარინკის აღების შესახებ აცნობა.
შოიგუს და პუტინს მიაჩნიათ, რომ მარინკის დაკავება მათ საშუალებას მისცემს უკრაინის შეიარაღებულ ძალები ოკუპირებულ დონეცკს დააშორონ. პუტინი ამტკიცებს, რომ რუს ჯარისკაცებს ახლა აქვთ შესაძლებლობა „შევიდნენ უფრო ფართო ოპერაციულ სივრცეში“.
