უკრაინის პრეზიდენტის ადმინისტრაციის ხელმძღვანელის ყოფილი მრჩეველი ოლექსი არესტოვიჩი აცხადებს, რომ უკრაინასა და რუსეთს შორის სამშვიდობო შეთანხმების გაფორმების შემდეგ, დასავლეთის წინააღმდეგ ერთობლივი სარჩელი უნდა მომზადდეს.
„ახლა ჩვენ უნდა დავხოცოთ ერთმანეთი ასობით, ათი ათასობით, ავდიივკისთვის, ჩასივ იარისთვის? და რატომ? რას მივიღებთ ამისგან - რუსეთი და უკრაინა? რას მივიღებთ, ორი რაიონული ცენტრისთვის ათასობით მოკლულით ორივე მხრიდან? რას მივაღწიეთ ისტორიულად? ჩვენ მოვეწონეთ ბიძებს ვაშინგტონისა და ბრიუსელის კომიტეტებიდან, რომლებიც დგანან ჩვენს გარშემო და ტაშს უკრავენ, როდესაც უყურებენ ორი მაიმუნი დანებით როგორ ახტება ერთმანეთს? და რაში გვჭირდება ეს?“ - განაცხადა არესტოვჩმა რუს ოპოზიციონერ ჟურნალისტთან, იულია ლატინინასთან ინტერვიუში.
არესტოვიჩის თქმით, საჭიროა პუტინთან ლაპარაკი და მშვიდობის დამყარება, შემდეგ კი დასავლეთის ქვეყნების წინააღმდეგ სარჩელის შეტანა.
„პუტინს უნდა ვუთხრათ; მოდით დავდოთ სამშვიდობო შეთანხმება“, მაგრამ ჩვენ ამას ეშმაკური გზით გავაკეთებთ: ერთობლივ სარჩელს აღვძრავთ დასავლეთის წინააღმდეგ. უკრაინა და რუსეთი ერთად. დასავლეთი ჩვენთან ვალშია“, - განაცხადა არესტოვიჩმა.
არესტოვიჩი ამჟამად საზღვარგარეთ იმყოფება და ბოლო პერიოდში გაკეთებული სკანდალური პრორუსული განცხადებებით გამოირჩევა.
