რამდენიმე ადამიანი დააკავეს ავსტრიასა და გერმანიაში, რომლებიც ეჭვმიტანილი არიან ტერორისტული თავდასხმების დაგეგმვაში საშობაო ღვთისმსახურების დროს კიოლნის, ვენისა და მადრიდის ეკლესიებზე. მედიის ინფრმაციით, დაკავებულების უკან, სავარაუდოდ ისლამისტური დაჯგუფებები დგანან.
მედიის ცნობით, დაჯგუფება, რომელმაც თავდასხმები დაგეგმა, შესაძლოა დაკავშირებული იყოს ტერორისტულ ორგანიზაცია „ისლამურ სახელმწიფო ხორასანთან“, რომელიც 2014 წელს შეიქმნა და „თალიბანთან დაახლოებულია.
ოპერაციის ფარგლებში ავსტრიელმა სამართალდამცავებმა რამდენიმე პირი დააკავეს. Bild-ის ინფორმაციით, ისინი, სავარაუდოდ, გერმანიაში დააპატიმრეს.
აღნიშნულ ოპეარციასთან დაკავშირებით, არც ერთ ქვეყანაში საჯარო კომენტარი არ გაკეთებულა, თუმცა ვენის პოლიციამ საშობაოდ ტერორისტული საფრთხის მაღალი დონის გამო გაზრდილი რისკის შესახებ განაცხადა.
„იმის გამო, რომ ევროპის მასშტაბით ტერორისტები ქრისტიანული დღესასწაულის აღმნიშვნელ ღონისძიებებზე თავდასხმებისკენ მოუწოდებენ, განსაკუთრებით 24 დეკემბერს უსაფრთხოების ორგანოებმა გააძლიერეს შესაბამისი დამცავი ზომები ვენასა და ფედერალურ მიწებზე საზოგადოებრივი თავშეყრის ადგილებში“, - ნათქვამია განცხადებაში.
გერმანიის ქალაქ კიოლნში, საკათედრო ტაძართან სამართალდამცველების დამატებითი ძალების მობილიზება მოხდა. როგორც პოლიციაში აცხადებენ, საშობაო მესაზე დასწრების მსურველებს ტაძარში შესვლამდე შეამოწმებენ.
საშობაოდ ტერორისტული თავდასხმის საფრთხე გაზარდა ესპანეთის ხელისუფლებამაც.
