იტალიის თავდაცვის მინისტრმა გვიდო კროზეტომ განაცხადა, რომ უკრაინის სამხედრო მხარდაჭერის პარალელურად, აუცილებელია დაიწყოს პოლიტიკური გადაწყვეტის ძიება ომის დასასრულებლად.
„ომი თითქმის ორი წელია გრძელდება და მე მჯერა, რომ სამხედრო მონაწილეობით და უკრაინის მხარდაჭერის პარალელურად, მნიშვნელოვანია მივყვეთ იმ გზას, რომელიც მიდის პოლიტიკურ გადაწყვეტამდე.
ის, რისი მიღწევაც შეუძლებელია სამხედრო გზით - და ამ დროისთვის ჩვენ მივაღწიეთ უკრაინის შენარჩუნებას, რომელიც შეიძლებოდა განადგურებულიყო და საზღვრის კონსოლიდაციას, რომელმაც დაბლოკა რუსული შეტევა, შეიძლება მიღწეული იყოს დიპლომატიური და პოლიტიკური ფრონტის გახსნით, რათა მივაღწიოთ იგივე შედეგს მშვიდობიანი მოლაპარაკებების გზით“, - განაცხადა კროზეტომ.
მისი თქმით, ის, რაც ომამდე არსებობდა, უნდა აღდგეს და „ის, რაც ვერ მოხერხდა იარაღის დახმარებით, უნდა გაკეთდეს სხვა გზით“.
