უკრაინული მედიის ცნობით, რუსმა ოკუპანტებმა შაბათს საღამოს, მასირებული იერიში მიიტანეს ხერსონის საცხოვრებელ უბნებზე, ქალაქში რამდენიმე ადგილზე ხანძარი გაჩნდა.
ხერსონის საქალაქო სამხედრო ადმინისტრაციის ხელმძღვანელის რომან მროჩკოს თქმით, ძლიერი აფეთქებები მოხდა ქალაქის რამდენიმე რაიონში, რის შედეგადაც ხანძრის რამდენიმე კერა გაჩნდა.
მროჩკოს თქმით, მტრის სამიზნეს ტრადაციულად საცხოვრებელი კვარტლები წარმოადგენდა.
მანამდე მროჩკო იუწყებოდა, რომ შუადღის შემდეგ რუსულმა ძალებმა ცეცხლი გაუხსნეს ხერსონის საცხოვრებელ კვარტლებს. „დაიბომბა, მრავალსართულიანი სახლი. დაშავებულები არ არიან“, - განაცხადა მროჩკომ.
