რუსეთის საგარეო საქმეთა სამინისტროს ოფიციალური წარმომადგენელი მარია ზახაროვა აცხადებს, რომ ბუჩის მოვლენები კიევის მიერ იყო "ინსცენირებული", რომელშიც მონაწილეობდნენ დიდი ბრიტანეთი და ამერიკის შეერთებული შტატები.
მისი თქმით, ის, რომ რუსეთის მიერ საერთაშორისო ორგანიზაციებისთვის გაგზავნილი მთხოვნა მიაწოდონ ბუჩაში დაღუპულების სია, რეაგირების გარეშეა დარჩენლი, აღნიშნულ "ინსცენირებაზე' მიანიშნებს.
„საერთაშორისო ორგანიზაციების მიერ რუსეთის მხარისა და მედიასაშუალებების მოთხოვნაზე, რეაგირების არარსებობა, ადასტურებს იმას, რომ ბუჩაში ადგილი ჰქონდა ნეკროფილურ ინსცენირებას. ის შესრულებული იყო კიევის რეჟიმის მიერ ამერიკელებისა და ბრიტანელების მონაწილეობით და ეფუძნებოდა ნემერსდორფში, 1944 წელს მესამე რეიხის პროვოკაციას“,- განაცხადა ზახაროვამ.
რუსული მედია წერს, რომ რუსეთმა ეუთოს პრესსამსახურს გაუგზავნა მოთხოვნა მიეწოდებინათ ბუჩაში დაზარალებულთა სია, მაგრამ ის ამ დრომდე არ მიუღიათ.
ბუჩა რუსეთის საოკუპაციო ძალებმა 2022 წლის თებერვალში უკრაინაში შეჭრიდან მალევე დაიკავეს. ქალაქის გათავისუფლებამდე რუსებმა ომის ასობით დანაშაული ჩაიდინეს. რუსებმა 1400-ზე მეტი ადამიანი მოკლეს, მათ შორის 37 ბავშვი. მოკლულების ნაწილს წამების კვალი აღენიშნებოდა.
