გერმანიის ელჩი მოსკოვში ალექსანდერ გრაფ ლამბსდორფი უკრაინის ომთან დაკავშირებით რუსეთის პრეზიდენტის ვლადიმირ პუტინის პოზიციაში ცვლილებას ვერ ხედავს და მიიჩნევს, რომ ის სამშვიდობო მოლაპარაკებებს არ აპირებს.
„პუტინმა ახლახან დაადასტურა თავისი სამხედრო მიზნები, ის საერთოდ არ არის მზად მოლაპარაკებისთვის“, - თქვა ლამბსდორფმა.
მისი თქმით, ასევე არ ჩანს რაიმე ნიშანი, რომ პუტინი პოზიციებს 2024 წლის მარტში საპრეზიდენტო არჩევნების შემდეგ შეიცვლის.
ამასთან, ლამბსდორფი აღნიშნავს, რომ არ არსებობს საფუძველი ვივარაუდოთ, რომ პუტინი შესაძლოა ვინმემ შეცვალოს. მისივე თქმით, მოსალოდნელია, რომ ის პრეზიდენტის პოსტზე ისევ დარჩება.
დიპლომატის თქმით, არაფერი მიუთითებს იმაზე, რომ პუტინი და მისი ხელისუფლება არჩევნების შემდეგ შეიცვლება. ლამბსდორფი ამ ეტაპზე ვერ ხედავს პუტინის სისტემაში განხეთქილების ნიშნებს.
