ისლანდიის სამხრეთ-დასავლეთში, რეიკიანესის ნახევარკუნძულზე ძლიერი მიწისძვრების შემდეგ ვულკანი ამოიფრქვა.

მანამდე მეთევზეთა ქალაქ გრინდავიკიდან დაახლოებით 4 ათასი ადამიანის ევაკუაცია განხორციელდა, ხოლო ახლომდებარე გეოთერმული კურორტი დაიხურა.

ამოფრქვევა დაიწყო ჰაგაფელთან, ქალაქ გრინდავიკის ჩრდილო-აღმოსავლეთით 4 კმ-ში, 18 დეკემბერს გვიან საღამოს.  

ისლანდიის მეტეოროლოგიური სამსახურის ცნობით, ვულკანის ბზარის სიგრძე დაახლოებით 3,5 კმ-ია, ლავა მიედინება დაახლოებით 100-200 კუბური მეტრი წამში. მათივე თქმით, ეს ბევრად მეტია, ვიდრე წინა წლებში რეიკიანესის ნახევარკუნძულზე მომხდარი ამოფრქვევების დროს იყო.

სამოქალაქო თავდაცვის უფროსმა ოფიცერმა ვიდირ რეინისონმა განუცხადა მედიას განუცხადა, რომ ამოფრქვევა სწრაფად მოხდა.

მისი თქმით, ლავა ყველა მიმართულებით მიედინება.

ვულკანი კარგად ჩანს რეიკიავიკიდან, რომელიც მდებარეობს გრინდავიკის ჩრდილო-აღმოსავლეთით დაახლოებით 42 კმ-ში.