BBC- ის ცნობით, აშშ-ის ჯორჯიის შტატში, ქალაქ ატლანტაში ისრაელის საკონსულოს წინ ერთ-ერთმა პროპალესტინელმა დემონსტრანტმა თავის დაწვა სცადა. დემონსტრანტის ასაკი და სქესი ამ დროისთვის უცნობია.
როგორც პოლიციაში აცხადებენ, მოქალაქემ ბენზინი გადაისხა. მისი მდგომარეობა მძიმეა.
ამასთან, დაშავდა დაცვის თანამშრომელი, რომელმაც აქციის მონაწილისთვის დახმარების აღმოჩენა სცადა. ორივე დაშავებული საავადმყოფოში გადაიყვანეს.
ისრაელის საკონსულოში ფაქტს ტრაგიკული უწოდეს. მათი განცხადებით, სამწუხაროა, რომ ისრაელისადმი სიძულვილი ასეთი ფორმით გამოიხატა.
