ევროპარლამენტის პრეზიდენტმა რობერტა მეცოლამ განაცხადა, რომ ევროპარლამენტის ხელმძღვანელობა უკრაინის ევროკავშირში გაწევრიანების შესახებ მოლაპარაკებების დაწყებას მხარს უჭერს.
რობერტა მეცოლამ ამის შესახებ უკრაინის ევროინტეგრაციის კონფერენციაზე განაცხადა.
"უკრაინა შთამბეჭდავ ძალისხმევას მიმართავს {რეფორმების განსახორციელებლად}. ევროპარლამენტის პრეზიდენტების კონფერენციამ დღეს დაადასტურა, რომ უკრაინამ აჩვენა მყარი საფუძველი გაწევრიანების მოლაპარაკებების დასაწყებად.", - განაცხადა მეცოლამ.
მან ხაზგასმით აღნიშნა, რომ ქვეყნის ევროკავშირში გაწევრიანების პროცესი არ არის მხოლოდ ევროპული კანონებისა და წესების ეროვნულ კანონმდებლობაში გადატანა, ეს პროცესი მოითხოვს გარდაქმნებს საზოგადოებაში.
როგორც პრეზიდენტების კონფერენცია კომუნიკეში აღნიშნავს, სწამს, რომ უკრაინა გააგრძელებს ყველა საჭირო რეფორმის ამბიციურად განხორციელებას ევროკომისიის რეკომენდაციების შესრულების დასასრულებლად, რათა რაც შეიძლება სწრაფად დაიწყოს გაწევრიანებაზე მოლაპარაკებები.
