ისრაელის პრემიერ-მინისტრმა ბენიამინ ნეთანიაჰუმ სატელევიზიო მიმართვისას, თქვა, რომ ისრაელის ჯარებმა დაასრულეს ღაზის ალყაში მოქცევა და იბრძვიან შიფას საავადმყოფოს მახლობლად, რომლის სარდაფში, „ჰამასის“ მებრძოლები იმყოფებიან.
ნეთანიაჰუმ ასევე განაცხადა, რომ ისრაელელმა სამხედროებმა მოკლეს ათასობით ნებრძოლი, მათ შორის ისინი, ვინც მონაწილეობა მიიღო ისრაელზე 7 ოქტომბრის თავდასხმაში.
ნეთანიაჰუმ აღნიშნა, რომ ისრაელი ომის შემდეგ შეინარჩუნებს ღაზაზე სამხედრო კონტროლს, ისევე როგორც აკონტროლებს დასავლეთ სანაპიროს, რომელსაც ბევრი ექსპერტი "სამხედრო ოკუპაციას" უწოდებს.
ნეთანიაჰუმ ასევე პატივი მიაგო ჰამასთან ბრძოლაში დაღუპულ ისრაელელი ჯარისკაცების ხსოვნას, მათ ნამდვილი გმირებს უწოდა და მადლობა გადაუხადა შეერთებულ შტატებს მორალური, ფინანსური და სამხედრო მხარდაჭერისთვის.
პრემიერ-მინისტრმა აღნიშნა, რომ მთავარი პრიორიტეტი რჩება მძევლების გათავისუფლება და "ჰამასის" განადგურება.
