საგარეო საქმეთა და უსაფრთხოების პოლიტიკის საკითხებში ევროკავშირის უმაღლესმა წარმომადგენელმა ჟოზეფ ბორელმა განაცხადა, რომ უკრაინისთვის აშშ-ის დახმარება, სავარაუდოდ, შემცირდება, ამიტომ ამ ფონზე ევროკავშირის ქვეყნები პოლიტიკურად მზად უნდა იყვნენ უკრაინის მხარდასაჭერად.
"ჩვენ გვაქვს ბევრი პრობლემა, რომელიც ევროკავშირისთვის გამოცდა იქნება. უპირველეს ყოვლისა, უკრაინა, სადაც რუსეთზე გამარჯვების პერსპექტივა არ არის მყისიერი. ჩვენ ევროპელები, რომლებსაც ამისთვის გვაქვს საჭირო საშუალებები, მზად უნდა ვიყოთ პოლიტიკურად გავაგრძელოთ უკრაინის დახმარება, იმის გათვალისწინებით, რომ ამერიკის მხარდაჭერა სავარაუდოდ შემცირდება", - განაცხადა ბორელმა.
რამდენიმე კვირის დებატების შემდეგ, აშშ-ს კონგრესს ჯერ კიდევ არ მიუღია გადაწყვეტილება უკრაინის მხარდასაჭერად მილიარდობით დოლარის გამოყოფის შესახებ. დაფინანსების შეფერხებამ აიძულა შეერთებული შტატები დაეწყო კიევისთვის სამხედრო დახმარების მიწოდება მცირე პაკეტებით დაიწყო, რადგან პენტაგონს მხოლოდ 1 მილიარდი დოლარი აქვს დარჩენილი იარაღის მარაგის შესავსებად.
გასულ კვირას აშშ-მა უკრაინისთვის 425 მილიონი დოლარის ღირებულების დახმარების ახალი პაკეტი გამოყო.
„დღევანდელი განცხადებით ჩვენ ამოვწურეთ USAI-ის დარჩენილი თანხები, რომლებიც ამჟამად ხელმისაწვდომია უკრაინის მხარდასაჭერად.
„იმის მიუხედავად, რომ ჩვენ გვაქვს PDA პროგრამის ნაშთები, რათა გავაგრძელოთ უკრაინის ბრძოლის ველზე საჭიროებების დაკმაყოფილება, ვიწყებთ უკრაინისთვის დახმარების მიწოდებას მცირე პაკეტებით, რათა გავაფართოვოთ ჩვენი შესაძლებლობები უკრაინის მხარდასაჭერად რაც შეიძლება დიდხანს“,- ამის შესახებ თეთრი სახლის პრესმდივანმა კარინ ჟან პიერმა განაცხადა.
ამასთან, ჟან-პიერმა მოუწოდა კონგრესს, სწრაფად დაამტკიცოს თეთრი სახლის მიერ წარდგენილი დამატებითი დაფინანსების პაკეტი.
