ღაზის სექტორში, საშუალოდ, ყოველ ათ წუთში ერთი ბავშვი იღუპება, – ამის შესახებ ჯანდაცვის მსოფლიო ორგანიზაციის გენერალურმა დირექტორმა, ტედროს ადანომ გებრეისუსმა გაერო-ს უშიშროების საბჭოს სხდომაზე განაცხადა.
„ღაზაში არავინ და არსადაა უსაფრთხოდ“, – აღნიშნა მან.
გებრეისუსის თქმით, ღაზის 36 საავადმყოფოდან – ნახევარი და პირველადი სამედიცინო ცენტრების სამი-მესამედი არ ფუნქციონირებს, ხოლო ისინი, რომლებიც მუშაობას განაგრძობენ, პაციენტების ნაკადს ნაკადს ვერ აუდიან.
„საავადმყოფოების დერეფნები სავსეა დაშავებულებით, ავადმყოფებით, მომაკვდავებით. მორგები გადატვირთულია. ქირურგიულ განყოფილებებში არ არის ანესთეზია. ათობით ათასი გადაადგილებული პირი აფარებს თავს საავადმყოფოებს“, – განაცხადა გებრეისუსმა გაერო-ს უშიშროების საბჭოს წევრებს.
ისრაელს ღზის სექტორის დაბომბვების და ბავშვების, ქალებისა და მოხუცების მკვლელობების შეწყვეტისკენ მოუწოდა საფრანგეთის პრეზიდენტმა ემანუელ მაკრონმა.
„დე ფაქტო - დღეს იბომბებიან მშვიდობიანი მოქალაქეები - დე ფაქტო. ეს ბავშვები, ქალები, მოხუცები აღმოჩნდნენ დაბომბვის ქვეშ და იღუპებიან. ამას არანაირი საფუძველი და გამართლება არ აქვს. ამიტომ, ჩვენ მოვუწოდებთ ისრაელს გაჩერდეს“, - თქვა მაკრონმა.
შეკითხვაზე, არღვევს თუ არა ისრაელი საერთაშორისო სამართალს, მაკრონმა უპასუხა, რომ მისი საქმე არ არის ამაზე მსჯელობა.
მაკრონი აღიარებს ისრაელის თავდაცვის უფლებას, მაგრამ ამავე დროს მიაჩნია, რომ ცეცხლის შეწყვეტა მომგებიანი იქნება, მათ შორის თავად ისრაელებისთვისაც.
ამასთან, ისრაელის პრემიერ-მინისტრი ბენიამინ ნეთანიაჰუ აცხადებს, რომ საერთაშორისო საზოგადოებამ უნდა დაგმოს „ჰამასი“ და არა ისრაელი. მან ღაზის სექტორის მშვიდობიანი მოსახლეობის დაღუპვაზე სრული პასუხისმგებლობა დაჯგუფება „ჰამასს“ დააკისრა.
გაერო-ში ისრაელის ელჩმა უშიშროების საბჭოს განუცხადა, რომ ისრაელმა სამუშაო ჯგუფი შექმნა ღაზის სამხრეთ ნაწილში საველე საავადმყოფოების მოსაწყობად.
„ისრაელი აწარმოებს მოლაპარაკებებს არაბთა გაერთიანებულ საამიროებთან, წითელ ჯვართან და სხვა ევროპულ ქვეყნებთან საველე საავადმყოფოებისა და მცურავი გემი-ჰოსპიტლების მოსაწყობად. ისრაელმა ხელი შეუწყო ღაზის ჩრდილოეთ ნაწილში მდებარე საავადმყოფოებში იორდანიიდან სამედიცინო დახმარების მიწოდებას“, – განაცხადა გილად ერდანმა.
მისი თქმით, ისრაელი ბევრად მეტს აკეთებს ღაზის მოსახლეობის კეთილდღეობისთვის, ვიდრე ჯანდაცვის მსოფლიო ორგანიზაცია.
