აშშ-ის პრეზიდენტი ჯო ბაიდენი ჩინეთის ლიდერს, სი ძინპინს მომავალ კვირას შეხვდება. ეს იქნება ორი ლიდერის პირველი პირისპირ შეხვედრა 2023 წელს.
როგორც Reuters-ს ერთ-ერთმა ამერიკელმა მაღალჩინოსანმა განუცხადა, შეხვედრა 15 ნოემბერს არის დაგეგმილი.
შეხვედრა აზია-წყნარი ოკეანის ეკონომიკური თანაშრომლობის სამიტის ფარგლებში შედგება. შეხვედრაში მონაწილეობას მიიღებენ ოფიციალური პირები პეკინიდან და ვაშინგტონიდან, თუმცა მათი ვინაობა არ სახელდება.
მოლაპარაკებებზე მხარეები იმსჯელებენ უკრაინაში რუსეთის შეჭრის, ჩრდილოეთ კორეისა და რუსეთის ურთიერთობების, ისრაელი-„ჰამასის“ ომის, ტაივანის საკითხების, ასევე ინდო-წყნარი ოკეანეთის რეგიონში უსაფრთხოების საკითხებზე.
ასევე წყაროების თქმით, აშშ და ჩინეთი გეგმავენ განიხილონ ერთმანეთთან სავაჭრო-ეკონომიკური ურთიერთობების „სამართლიანი“ დამყარების საკითხი.
