პალესტინურმა დაჯგუფება „ისლამურმა ჯიჰადმა“ გაავრცელა ვიდეოჩანაწერი, რომელშიც ჩანს 7 ოქტომბერს, ისრაელზე თავდასხმისას გატაცებული ორი მძევალი - 77 წლის ქალი და 13 წლის ბიჭი. ინფორმაციას სხვადასხვა მედიასაშუალება ავრცელებს.
ვიდეოჩანაწერში ქალი ამბობს, რომ შვილები ენატრება. „იმედი მაქვს, შევძლებ თქვენს ნახვას მომავალ კვირაში. ჩვენ ბედნიერად და ჯანმრთელად ვართ და გვინდა, რომ ყველა ბედნიერი იყოს“, - თქვა ქალმა, რომელიც ეტლში ზის.
დაჯგუფებამ განაცხადა, რომ მზად არის გაათავისუფლოს ორი მძევალი ჰუმანიტარული და სამედიცინო მიზნით, მას შემდეგ რაც შესრულდება მათი პირობები.
ისრაელს აღნიშნულზე კომენტარი ჯერ არ გაუკეთებია.
7 ოქტომბერს გატაცებული მძევლების უმეტესობა „ჰამასის“ ჰყავს დატყვევებული, თუმცა დაჯგუფება „ისლამურმა ჯიჰადმა“ განაცხადა, რომ მის ხელში სულ მცირე 30 მძევალი იმყოფება.
