ისრაელის ძალების განცხადებით, ქალაქ ღაზის ცენტრში ჰამასის სამხედრო ბაზაზე დარტყმები განახორციელეს და ინტენსიური ბრძოლების შედეგად დაჯგუფების დაახლოებით 50 მებრძოლი მოკლეს და დაატყვევეს.
როგორც იუწყებიან, საჰაერო მხარდაჭერითა და სპეცრაზმის დახმარებით, ისრაელის ძალებმა ოპერაცია ჩაატარეს ღაზის ცენტრალურ ნაწილში ჰამასის სამხედრო კვარტლის წინააღმდეგ ალ შიფას საავადმყოფოსთან ახლოს.
ისრაელის არმია ამბობს, რომ ღაზის ცენტრში განლაგებულია ჰამასის სამხედრო კვარტალი დატერიტორიაზე, სადაც მათ საბრძოლო მოქმედებები ჩაატარეს, ჰამასის სადაზვერვო და ოპერატიული საქმიანობის ცენტრი იყო, სადაც ისრაელში 7 ოქტომბრის თავდასხმები იგეგმებოდა და მზადდებოდა.
ისრაელელი სამხედროების თქმით, აღნიშნულ რაიონში მდებარეობს მიწისქვეშა გვირაბებისა და შენობების ქსელი, რომელსაც ჰამასის მებრძოლები ისრაელის წინააღმდეგ საბრძოლო მოქმედებებისთვის იყენებენ.
