აშშ-ის პრეზიდენტმა ჯო ბაიდენმა განაცხადა, რომ სატელეფონო საუბრის დროს ისრაელის პრემიერ-მინისტრს, ბენიამინ ნეთანიაჰუს ღაზის სექტორში საბრძოლო მოქმედებების შეჩერება სთხოვა. იუწყება Reuters
მანამდე თეთრი სახლის წარმომადგენელმა განაცხადა, რომ სატელეფონო საუბრისას ორი ქვეყნის ლიდერმა განიხილა ღაზის სექტორში „ტაქტიკური პაუზის“ შესაძლებლობა ჰუმანიტარული და მძევლების შესაძლო გათავისუფლების მიზნებით.
ამასთან, აშშ-ის ვიცე-პრეზიდენტმა კამალა ჰარისმა ისრაელის პრეზიდენტ იცჰაკ ჰერცოგთან საუბრისას ხაზი გაუსვა ღაზის სექტორის მშვიდობიანი მოსახლეობისა და საერთაშორისო ჰუმანიტარული სამართლის დაცვის მნიშვნელობას.
