აშშ-ის სენატმა დაბლოკა ისრაელის დახმარების შესახებ რესპუბლიკელების კანონპროექტი, რომელიც უკრაინის დახმარებას არ მოიცავდა.
რესპუბლიკელი სენატორის, როჯერ მარშალის განცხადებით, დროს არსებითი მნიშვნელობა აქვს, ამიტომ სენატმა არცერთი დღით არ უნდა გადადოს დახმარების მიწოდება ისრაელისთვის. დემოკრატებმა კი უკრაინისა და ისრაელისთვის ერთიანად დახმარების გაწევის მნიშვნელობას გაუსვეს ხაზი.
მანამდე აშშ-ის წარმომადგენელთა პალატამ ისრაელისთვის 14.3 მილიარდი დოლარის დახმარების პაკეტის გამოყოფას მხარი დაუჭირა, თუმცა დემოკრატიული პარტიის წევრები ემხრობოდნენ ისეთ კანონპროექტს მიღება, რომელშიც ასევე გათვალისიწნებული იქნებოდა უკრაინის დაფინანსება. რესპუბლიკელები უკრაინისა და ისრაელის ერთიან დახმარებას ეწინააღმდეგებიან. ამასთან, ამერიკის პრეზიდენტის ადმინისტრაციაში განაცხადეს, რომ კანონპროექტს ვეტოს დაადებდნენ.
