ბრიტანეთის პრემიერ-მინისტრმა რიში სუნაკმა თემტა პალატაში გამოსვლისას დეპუტატებს განუცხადა, რომ დაზვერვის ცნობების საფუძველზე, დიდი ბრიტანეთის მთავრობას მიაჩნია, რომ აფეთქება [ღაზას სექტორში ალ აჰლის ჰოსპიტალში] სავარაუდოდ გამოწვეული იყო რაკეტით, ან რაკეტის ნაწილით, რომელიც ღაზიდან ისრაელის მიმართულებით ისროლეს.
თავდაპირველად, სუნაკი, ისევე როგორც მრავალი სხვა მსოფლიო ლიდერი, მიიჩნევდა, რომ რაკეტა საავადმყოფოს მიმართ ისრაელის ძალებმა გაუშვეს, რადგან გასული კვირის ტრაგედიის შემდეგ, „ჰამასმა“ისრაელი მალევე დაადანაშაულა და თქვა, რომ ისრაელის ძალებმა საავადმყოფო მიზანმიმართული საჰაერო დარტყმით ააფეთქეს.
მოგვიანებით ისრაელმა გამოაქვეყნა მტკიცებულება, რომელიც მიუთითებს აფეთქებაში «ისლამური ჯიჰადის“ მონაწილეობას. ეს იყო ღაზადან მებრძოლების მიერ არასწორად გასროლილი რაკეტა. „ისლამური ჯიჰადი“ კატეგორიულად უარყოფს ამ ვერსიას.
ბრიტანეთის პრემიერ-მინისტრის თქმით, აფეთქების გამომწვევ მიზეზებზე თავდაპირველად არასწორმა ინფორმაციამ ნეგატიური გავლენა მოახდინა რეგიონში, მათ შორის, მნიშვნელოვნად შეარყია აშშ-ს მნიშვნელოვანი დიპლომატიური ძალისხმევა, ასევე ხელი შეუწყო დაძაბულობის გამწვავებას ისრაელის მხარდამჭერებსა და პალესტინელების დამცველებს შორის, თავად დიდ ბრიტანეთშიც.
„ჩვენ {ამ ვითარებიდან} გაკვეთილი უნდა ვისწავლოთ და ყველაფერი გავაკეთოთ იმისათვის, რომ მომავალში ნაჩქარევი გადაწყვეტილებები არ გამოვიტანოთ“, - განაცხადა რიში სუნაკმა თემთა პალატაში სიტყვით გამოსვლისას.
