ბელგიის დედაქალაქში ტერორისტულ თავდასხმას ორი ადამიანი ემსხვერპლა, ერთი დაიჭრა.
თავდასხმა ბრიუსელში ბელგიასა და შვედეთს შორის ევრო 2024-ის შესარჩევი მატჩის დაწყებამდე მოხდა. თავდამსხმელის ოპერატიულად დაკავება ვერ მოახერხდა, ამიტომ ქალაქში განსაკუთრებული საფრთხის რეჟიმი შემოიღეს.
მატჩი შეწყდა და გაურკვევლი დროით გადაიდო.
სავარაუდო მკვლელმა ტერორისტული დაჯგუფება "ისლამური სახელმწიფოს" წევრად გამოაცხადა თავი. მომხდარს ტერაქტის კვალიფიკაცია მისცეს.
ორივე დაღუპული შვედი გულშემატკივარია.
თავდამსხმელი არაბულად ყვიროდა – „ალაჰს“. მან მიმალვა მოახერხა. მკვლელობის შემდეგ კი სოციალურ ქსელში ვიდეო გაავრცელა, რომელშიც აღიარებს, რომ მოკლა სამი შვედი და ეს გააკეთა თავისი მოსაზრებებიდან გამომდინარე, მანვე თქვა, რომ “ისლამური სახელმწიფოს" წევრია.
ბელგიის პრემიერ-მინისტრ ალექსანდრ დე კროს განცხადებით, თავდამსხმელი ტუნისელი არალეგალი იმიგრანტია.
ბელგიის პრემიერ-მინისტრმა შვედეთის პრემიერს მომხდარის გამო სამძიმარი გამოუცხადა.
„გულწრფელად ვუსამძიმრებ შვედეთის პრემიერ-მინისტრს ამ ღამით ბრიუსელში შვედეთის მოქალაქეებზე განხორციელებული შემზარავი თავდასხმის გამო. ჩვენი ფიქრები იმ ოჯახებთან და მეგობრებთანაა, რომლებმაც დაკარგეს საყვარელი ადამიანები. როგორც ახლო პარტნიორები, ტერორიზმთან ბრძოლა არის ერთობლივი“, – დაწერა ალექსანდრ დე კრომ.
