აშშ-ის სახელმწიფო მდივანი ენტონი ბლინკენი, რომელიც პალესტინა-ისრაელს შორის კონფლიქტის დეესკალაციის ფარგლებში ახლო აღმოსავლეთის ქვეყნებში ტურნეს ასრულებს, საუდის არაბეთში იმყოფებოდა, სადაც მოლაპარაკებები გამართა ტახტის მემკვიდრე პრინც მუჰამედ ბინ სალმანთან.
შეხვედრის დასრულების შემდეგ ბლინკენმა განაცხადა, რომ მოლაპარაკება ძალიან პროდუქტიული იყო.
საუდის არაბეთი და ისრაელი ახლოს იყვნენ აშშ-ის შუამავლობით, ისტორიული სამშვიდობო შეთანხმების გაფორმებასთან, თუმცა „ჰამასის“ მიერ ისრაელზე სასტიკი თავდასხმის შემდეგ ერ-რიადმა პროცესი დროებით შეაჩერა.
სახელმწიფო დეპარტამენტის სპიკერმა მეთიუ მილერმა მოგვიანებით განაცხადა, რომ სახელმწიფო მდივანმა შეხვედრაზე „ხაზი გაუსვა აშშ-ის უცვლელ პოზიციას „ჰამასის“ ტერორისტული თავდასხმების დასრულებაზე, ყველა მძევლის გათავისუფლების უზრუნველყოფასა და კონფლიქტის გავრცელების პრევენციაზე“.
„შეხვედრის ორივე მონაწილემ კიდევ ერთხელ დაადასტურა მათი ერთობლივი ვალდებულება მშვიდობიანი მოსახლეობის დაცვისა და სტაბილურობის ხელშეწყობისთვის მთელ ახლო აღმოსავლეთში და მის ფარგლებს გარეთ“, - დასძინა მეთიუ მილერმა.
