პოლონეთში საპარლამენტო არჩევნები მიმდინარეობს. პოლონეთში საარჩევნო უბნები ადგილობრივი დროით დილის 07:00 საათზე გაიხსნა და საღამოს 21:00 საათზე დაიხურება.
პოლონეთის მოქალაქეები აირჩევენ სეიმის 460 წევრს და სენატის 100 წევრს.
პოლონეთის მმართველი „სამართლის და სამართლიანობის“ პარტია (PiS) მესამედ შეეცდება არჩევნებში გამარჯვებას.
არჩევნების შედეგები ოფიციალურად, სავარაუდოდ, 17 ოქტომბერს გამოცხადდება.
ბოლო გამოკითხვების თანახმად, მმართველი „სამართლის და სამართლიანობის“ პარტია დაახლოებით 36%-ს მიიღებს.
გარდა ამისა, ამომრჩევლებს საშუალება ექნებათ მონაწილეობა მიიღონ მმართველი პარტიის მიერ ინიცირებულ რეფერენდუმში. მათ მოუწევთ უპასუხონ კითხვებს არალეგალურ მიგრაციასთან დაკავშირებული პრობლემის, სახელმწიფო ქონების გაყიდვისა და საპენსიო ასაკის გაზრდის შესახებ.
