სირიის ხელისუფლების განცხადებით, ისრაელმა ალეპოს აეროპორტზე საჰაერო დარტყმა განახორციელა. ეს ბოლო ორი კვირის განმავლობაში ალეპოს აეროპორტზე უკვე მეორე იერიშია.
აეროპორტს, რომელსაც ხუთშაბათს განხორციელებული დარტყმის შემდეგ მუშაობა ახალი აღდგენილი ჰქონდა, მატერიალური ზიანი მიადგა და მუშაობა შეწყვიტა.
ხუთშაბათს სირიის მთავრობამ განაცხადა, რომ ისრაელმა დაბომბა ქვეყნის ორი მთავარი საერთაშორისო აეროპორტი დამასკოსა და ალეპოში.
BBC წერს, რომ აღნიშნული აეროპორტები არა მხოლოდ ემსახურებიან სამოქალაქო ავიაციას, არამედ იქ განთავსებულია სამხედრო ბაზები, რომლებიც, გავრცელებული ცნობებით, წარმოადგენენ სატრანზიტო პუნქტებს დაჯგუფება „ჰეზბოლასთვის“ ირანული იარაღის მისაწოდებლად.
