მთიან ყარაბარში, სტეპანაკერტი-ასკერანის ავტომაგისტრალთან ბენზინის საცავში ძლიერი აფეთქება მოხდა. ე.წ. საგანგებო სიტუაციების სამსახურის ინფორმაციით, არის მხსვერპლი, დაშავებულთა რაოდენობა კი 200-ს აჭარბებს. მათი უმეტესობა ძლიერი დამწვრობებით კლინიკებშია გადაყვანილი.
დაშავებულთა დიდი ნაწილის მდგომარეობა მძიმე ან კრიტიკულად მძიმეა.
სეპარატისტული რეგიონის ე.წ. სახალხო დამცველის თქმით, დაშავებულების სიცოცხლის გადასარჩენად დაუყოვნებლივ საჭიროა მათი საჰაერო გზით სხვა კლინიკებში გადაყვანა, რადგან ადგილობრივ სამედიცინო დაწესებულებს ადამიანთა სიცოცხლის გადასარჩენად საკმარისი შესაძლებლობები არ გააჩნიათ.
დაღუპულთა ზუსტი რაოდენობა ამ ეტაპზე უცნობია.
