„თიბისი ბანკის“ ერთ-ერთმა დამფუძნებელმა, მამუკა ხაზარაძემ პარლამენტში, საფინანსო-საბიუჯეტო კომიტეტის სხდომაზე ბანკის ირკგვლივ განვითარებულ მოვლენებზე ისაუბრა და აღნიშნა, რომ როდესაც პროკურატურაში დაიბარეს მან გამოკითხვა მოსამართლის წინაშე მოითხოვა.
ხაზარაძემ აღნიშნა, რომ გამოკითხვაზე მოსამართლისა და პროკურატურისგან მიიღო კონფიდენციალურობის გარანტია, თუმცა ეს პირობა დაირღვა.
„ჩვენ რა თქმა უნდა, ამ ტრანზაქციაზე ყველა ინფორმაცია მივაწოდეთ პროკურატურას რომელიც ოქტომბერში გამოჩნდა. მივაწოდეთ ყველა ჩვენი პირადი ანგარიში ამ თანხის მოძრაობის. საიდან ავიღეთ, სად ჩაირიცხა და ა.შ. კიდევ ერთხელ ვადასტურებ რომ 80 მილიონი თავის 17 მილიონიანად ჩაირიცხა ბანკის კაპიტალში. რაღაც ნაწილი გადაირიცხა მსოფლიო ბანკის . ეს არის მთელი ოპერაცია. დადასტურებულად ეს დოკუმენტაცია მიცემული გვაქვს უწყებებისთვის. ამის შემდგომ ხდება ჩემი დაბარება პროკურატურაში. მე ბუნებრივია, ვიყენებ კანონით მინიჭებულ უფლებას და ვითხოვ მოსამართლის წინაშე ჩემს გამოკითხვას, რომელიც ჩატარდა და იქ ვამბობ ასეთ ფრაზას ბოლოში. ვამბობ, რომ ალბათ იცით, რომ ჩვენ ვმუშაობთ დიდ პროექტზე, ეს არის ანაკლიის პროექტი. ჩვენ ღია ვართ გამოძიებისთვის, მზად ვართ ყველა ინფორმაცია მოგაწოდოთ თუ კიდევ რამე არის საჭირო. მზად ვართ გეთანამშრომლოთ, მაგრამ გთხოვთ, რომ ეს საკითხი იყოს კონფიდენცალური რადგან 19 იანვარს ვაწერთ ხელს ორ სახელმწიფო ბანკთან ეს არის ჰოლანდიის და გერმანიის ბანკი და ჭორის დონეზეც, რომ იყოს, რომ თქვენ რაღაც ფულის გათეთრებაზე საქმე გაქვთ ეს შეუშლის ხელს ჩვენს უზარმაზარ პროექტს“,-განაცხადა მამუკა ხაზარაძემ.
მისივე თქმით, მან მოსამართლისგან და პროკურატურისგან მიიღო გარანტიები, რომ ეს კონფიდენციალური იქნებოდა, თუმცა 9 იანვარს პროკურატურამ გააკეთა განცხადება, რომ საქმე მიდის ფულს გათეთრების კუთხით.
