ზოგადადმინისტრაციულ კოდექსში ცვლილებების შეტანის პროექტში არაფერი არ შეიცვლება. ამის შესახებ დღეს პარლამენტში იურიდიულ საკითხთა კომიტეტის სხდომაზე გახდა ცნობილი.
აღნიშნული კანონპროექტის განხილვა სესიაზე იმ მიზეზით გადაიდო, რომ მიმდინარეობდა კონსულაციები და ვარუდობდნენ, რომ გარკვეული საკითხები შეიცვლებოდა. საუბარია იმ კანონპროექტზე, რომელიც ითვალისწინებს იმ საჯარო ინფორმაციის დახურვას, რომელშიც სახელმწიფო მხარედ გამოდის და საქმეები განიხლება საერთაშორისო და უცხო ქვეყნის სასამართლოებში.
ალასანიას გუნდმა აღნიშნული კანონპროექტი ინფორმაციის მიღების თავისუფლების მცდელობად შეაფასა და პარლამენტს მიმართა თხოვნით, რომ აღნიშნული კანონპროექტის მიღება არ მომხდარიყო.
წინა კვირას სესიაზე კანონპროექტის ერთ-ერთმა ავტორმა ლაშა თორდიამ განაცხადა, რომ კონსულტაციები მიმდინარეობდა საერთაშორისო საზოგადოების წარმომადგენლებთან და იუსტიციის სამინისტროსთან და ითხოვა, კანონპროექტის განხილვა გადადებულიყო. თუმცა როგორც დღეს იურიდიული კომიტეტის სხდომაზე გახდა ცნობილი, აღნიშნულ კანონპროექტში არაფერი არ შეიცვლება და სესიაზე იმ ფორმით გავა, როგორც აქამდე იყო.
