მოძრაობა სამართლიანი საქართველოსთვის ლიდერი ზურაბ ნოღაიდელის განცადებით, საქართველოს შინაგან საქმეთა მინისტრი ვანო მერაბიშვილი და იუსტიციის მინისტრი ზურაბ ადეიშვილი საქართველოს ეკონომიკის ყოფილ მინისტრს ვანო ჩხარტიშვილს მის წინააღმდეგ ჩვენების მიცემას აიძულებდნენ. ამის შესახებ ექს-პრემიერმა ზურაბ ნოღაიდელმა დღეს მოძრაობა სამართლიანი საქართველოსთვის ოფისში გამართულ პრესკონფერენციაზე განაცხადა.
ექს-პრემიერის მტკიცებით, ხელისუფლებს წარმომადგენლებმა მიზნის მისაღწევად ვანო ჩხარტიშვილის ოჯახი მძევლად აიყვანეს და მათ 21 დღის განმავლობაში საქართველოს ტერიტორიის საზღვრის გადაკვეთის უფლებას არ აძლევდნენ. მისვე თქმით, 21 დღის შემდეგ ჩხარტიშვილის ოჯახმა საქართველოდნა გაპარვა მოახერხა.
"21 დღიანი ეპოპეა დასრულდა და ვანო ჩხარტისვილის ოჯახი რომელშიც ძირითადად სულ ქალები შედიოდნენ საქართველოდან გაიპარა" განაცხადა ნოღაიდელმა.
ნოღაიდელის განმარტებით, ინფორმაცია იმის შესახებ რომ ჩხარტიშვილის გამოყენებით საქართველოს ხელისუფლება მის წინააღმდეგ სისხლის სამართლის საქმის აღძრვას აპრებდა მას ქართველმა თუმცა ამჟამად საქართველოში არმყოფმა პირმა მიაწოდა. რის შედეგადაც ეს ინფორმაცია ნოღაიდელმა თავად ჩახრტიშვილთან გადაამოწმა.
"ამის შემდეგ მე ვესაუბრე ჩხარტიშვილს ტელეფონით და მან ეს ინფორმაცია დამიდასტურა", _ განაცხადა ნოღაიდელმა. ექსპრემიერი იმ ბრალდების დეტალებს რომელზედაც ჩვენების მიცემასაც მისი თქმით ვანო მერაბიშვილი და ზურაბ ადეიშვილი ჩხარტიშილს აიძულებდნენ არ აკონკრეტებს და აცხადებს, რომ საქმე ეხებოდა თითქოსდა მის მიერ პრემიერ მინისტრად მუშაობის პერიოდში აღებულ ქრთამს, რაც ნოღაიდელის მტკიცებით არ მომხდარა.
ნოღაიდელისვე განცხადებით, მიუხედავად იმისა, რომ იგი ვანო ჩხარტიშვილს ტელეფონით ესაუბრა, მან მაინც არ იცის ყოფილი ეკონომიკის მინისტრის ამჟამინდელი ადგილამყოფელი. ნოღაიდელი არც იმაზე ფლობს ინფორმაციას რა ბედი ეწევა საქართველოში ჩხარტიშილის ბიზნესს.
