დღეს, ვაშინგტონის დროით 14:45 საათზე, რუსეთის სასარგებლოდ ჯაშუშობისთვის დაკავებული 10 ეჭვმიტანილის სასამართლო პროცესი ნიუ-ორკის სამხრეთ მხარის სასამართლოში გაიმართება. ამის შესახებ ინფორმაციას BBC ავრცელებს.
დაკავებული ჯაშუშების საკითხი ამერიკის შეერთებულ შტატებში რუსეთის ფედერაციის ელჩმა სერგეი კისლიაკმა და აშშ-ს სახელმწიფო მდივნის მოადგილემ პოლიტიკურ საქმეებში უილიამ ბერნესმა განიხილეს.
ამის შესახებ ჟურნალისტებს პრესკონფერენციაზე სახელმწიფო დეპარტამენტის პრესსამსახურმა მარკ ტონერმა განუცხადათ.
უილიამ ბერნეს განცხადებით, აღნიშნულ საკითხთან ვაშინგტონსა და მოსკოვს შორის ელჩების დონეზე სისტემატურად იმართება შეხვედრები.
შეგახსენებთ, რომ აშშ-ში რუსეთის სასარგებლოდ ჯაშუშობაში 11 ეჭვმიტანილი დააკვეს. წინასწარ მოსმენაზე ათ მათგანს გირაოს სანაცვლოდ განთავისუფლებაზე უარი ეთქვათ. თუმცა, ერთ-ერთი ეჭვმიტანილი, რომელიც თავდებით გაუშვეს გაიქცა.
