ეუთოს საპარლამენტო ასამბლეის ადამიანის უფლებათა კომიტეტში საერთაშორისო დანაშაულის შესახებ დოკუმენტში ოკუპირებული ტერიტორიები ტერორიზმის და ნარკობიზნესის წყაროდ დასახელდა.
ქართული დელეგაციის წევრის, პარლამენტარი აკაკი მინაშვილის განცხადებით, საერთაშორისო დანაშაულის შესახებ დოკუმენტში ცვლილებები შევიდა და ნარკობიზნესის, ტერორიზმის, ბირთვული იარაღის გადაზიდვის და ა.შ. ერთ-ერთ მთავარ წყაროდ ისეთი ოკუპირებული ტერიტორიები დასახლდა, როგორც არის ე.წ. სამხრეთ ოსეთო და აფხაზეთი.
ამასთან, ქართული დელეგაცია ეუთოს საპარლამენტო ასამბლეის ფარგლებში აქტიურ შეხვედრებს განაგრძობს.
ქართველი დეპუტატები უკვე შეხვდნენ უკრაინის, ნორვეგისა და თურქეთის დელეგაციებს. შეხვედრაზე მხარეებმა საქართველოს ოკუპირებულ ტერიტორიებზე არსებული მდგომარეობა დეტალურად განიხილეს და დევნილების დაბრუნების გზებზე იმსჯელეს.
შეგახსენებთ, რომ ეუთოს საპარლამენტო ასამბლეის პირველი სხდომა 7 ივლისს გაიხსნა.
