ქუთაისში საცხოვრებელი სახლის დემონტაჟს ერთი ადამიანი ემსხვერპლა.შემთხვევა 26 მაისის ქუჩის 58 ნომერში ცოტა ხნის წინ მოხდა.
დაღუპულია 57 წლის გელა თუთბერიძე. სახლის დემონტაჟზე მომუშავე კიდევ ერთი მუშა კი უმძიმესი მდგომარეობით საავადმყოფოშია გადაყვანილი.
აღსანიშნავია, რომ აღნიშნულ სახლში დაახლოებით ერთი თვის წინ აფეთქება მოხდა, რის შედეგადაც საყრდენი კედლები დაზიანდა. სწორედ ამის გამო გადაწყდა შენობის დემონტაჟი.
ადგილზე შესაბამისი სამსახურების წარმომადგენლები მუშაობენ.
