რუსეთის წარმომადგენელი ნატოში დიმიტრი როგოზინი აცხადებს, რომ უკრაინის თანხმობა გააგრძელოს რუსეთის შავი ზღვის ფლოტის ყოფნის ვადა ყირიმში მოწმობს, რომ კიევი კიდევ კარგა ხანი არ აპირებს ნატოში შესვლას. ხოლო რაც შეეხება საქართველოს, როგოზინის აზრით, მას ჯერ ჯერობით ნატოში შესვლის პერსპექტივა არ გააჩნია.
"სევასტოპოლის შესახებ გაფორმებული ხელშეკრულება _ ეს მოწმობაა იმისა, რომ საშუალო და ხანგრძლივვადიან პერსპექტივაშიც კი უკრაინა არ აპირებს ნატოში შესვლას",_ აცხადებს დიმიტრი როგოზინი.
როგოზინი განმარტავს, რომ "უკრაინის საზოგადოებრივი აზრი მდგომარეობს იმაში, რომ უკრაინა არ აპირებს ნატოში შესვლას და სწორედ ამან მოიყვანა ვიქტორ იანუკოვიჩი საპრეზიდენტო სავარძლამდე".
