"დემოკრატიული მოძრაობა - ერთიანი საქართველოს" ლიდერი ნინო ბურჯანაძე თბილისის მერის არჩევნებში არც ერთ კანდიდატს მხარს არ დაუჭერს. ამის შესახებ ბურჯანაძემ "პრაიმ ტაიმის" პრესკლუბში ისაუბრა.
ბურჯანაძე არც ერთ კონკრეტულ კანდიდატს მხარს არ უჭერს, თუმცა აღნიშნავს, რომ ოპოზიციას ერთიანი კანდიდატის პირობებში გამარჯვების მეტი შანსი ექნება.
ბურჯანაძის თქმით, მიუხედავად იმისა, რომ თვითონ არჩევნებში არ მონაწილეობს, ბოიკოტის მომხრე არ არის და მოსახლეობას არჩევნების დღეს აქტიურობისკენ მოუწოდა.
"არავის ბოიკოტისკენ არ მოვუწოდებ იმიტომ, რომ თუ არჩევნები ჩატარდება, ადამიანები უნდა მივიდნენ, თავისი პოზიცია დააფიქსირონ და ეცადონ, რაც შეიძლება მეტად წარმოჩინდეს ის განსხვავებული, ოპოზიციური აზრი, რომელიც ოპოზიციაში არსებობს", - განაცხადა ბურჯანაძემ.
