ფილარმონიაში მიმდინარე ადვოკატთა ასოციაციის თავმჯდომარის არჩევნებზე დაპირისპირება მოხდა. ერთმანეთს ასოციაციის მოქმედი თავმჯდომარე ზაზა ხატიაშვილი და ასოციაციის თავმჯდომარეობის კანდიდატი ნუგზარ ბირკაია დაუპირისპირდნენ.
ბირკაიას პროტესტი გამოიწვია იმან, რომ ზაზა ხატიაშვილი საერთო კრებას უძღვება, რითაც ასოციაციის თავმჯდომარეობის სხვა კანდიდატებს არათანაბარ მდგომარეობაში აყენებს.
,, ადვოკატთა ასოციაციის კანდიდატები თანაბარ მდგომარეობაში არ არიან. ზაზა ხატიაშვილს მიჰყავს სხდომა, ასევე წიაყვანს სხდომის მერე ნახევარს, სადაც არჩევნების საკითხი განიხილება. ის არის მოქმედი თავმჯდომარე ამავე დროს თავმჯდომარეობის კანდიდატი, ერთდროულად ორ სტატუსითაა წარმოდგენილი, ეს დაუშვებელია", _განაცხადა ბირკაიამ.
შეგახსენებთ, რომ დღეს, 8 დეკემბერს, საქართველოს ადვოკატთა ასოციაციის უმაღლესი ორგანო - საერთო კრება, საქართველოს ადვოკატთა ასოციაციის ახალ თავმჯდომარეს აირჩევს. ახალი თავმჯდომარე ასოციაციას 2017 წლამდე უხელმძღვანელებს.