ნელსონ მანდელას ერთკვირიანი გლოვის შემდეგ, 15 დეკემბერს, დაკრძალავენ, - ამის შესახებ სამხრეთ აფრიკის რესპუბლიკის პრეზიდენტმა ჯეიკობ ზუმამ განაცხადა.
მანდელას აღმოსავლეთ-კაპის პროვინციაში მშობლიურ სახლთან ახლოს დაკრძალავენ. 8 დეკემბერი ქვეყანაში ლოცვის დღედაა გამოცხადებული.
ქვეყნის პრეზიდენტმა თანამოქალაქებს ურჩია შეიკრიბონ დარბაზებში, ელესიებში, მეჩეთებში, სინაგოგებში, ტაძრებში, საკუთარ სახლებში, რათა პატივი მიაგონ ქვეყნის ყოფილ პრეზიდენტს.
10 დეკემბერს იოჰანესბურგის გარეუბანში მდებარე სტადიონზე ეროვნული სამგლოვიარო ცერემონია გაიმართება. ამის შემდეგ სამი დღით მანდელას ცხედარს პრეტორიაში გადაასვენებენ, სადა გამოთხოვების ცერემონია გაიმართება.
ნელსონ მანდელა 96 წლის ასაკში 6 დეკმებერს გარდაიცვალა.
ნობელის პრემიის ლაურეატი ნელსონ მანდელა, ქვეყნის პირველი შავკანიანი პრეზიდენტი იყო. სახელმწიფოს მეთაურმა ჯეიკობ ზუმამ მას ერის მამა უწოდა.
მანდელა იოჰანესბურგში საკუთარ სახლში გარდაიცვალა. ქვეყნის პეზიდენტმა ზუმამ, აღნიშნა, რომ მანდელა ყველაზე უფრო მეტად განასახიერებდა სამხრეთ აფრიკის ეროვნულ თანხმობას.
ხელისუფლების გადაწყვეტილებით ნესლონ მადელას, როგორც ერის მამას სახელმწიფო დაკრძალავს. ქვეყანაში დაშვებული იქნება სახელმწიფო დროშები.
ნელსონ მანდელა - როლიჰლაჰლა დალიბუნგა მანდელა (Rolihlahla Dalibhunga Mandela) დაიბადა 1918 წლის 18 ივლისს.
პრეზიდენტობამდე იყო ანტიაპერტეიდის მოძრაობის აქტივისტი და აფრიკის ნაციონალური კონგრესის (ანკ) ლიდერი. მანდელამ ციხეში გაატარა 27 წელი საბოტაჟისათვის მას შემდეგ რაც ანკ იატაკქვეშეთში გადავიდა და შეიარაღებული ბრძოლა დაიწყო.
ციხეში გატარებული 27 წლის განმავლობაში მანდელა გახდა ანტიაპერტეიდის მოძრაობის და ზოგადად რასული თანასწორობისათვის ბრძოლის სიმბოლო როგორც სამხრეთ აფრიკაში ასევე მის საზღვრებს გარეთ.
სამხრეთ აფრიკის მაშინდელი მთავრობა, ისევე როგორც მისი მხარდამჭერი ქვეყნები გმობდნენ მანდელასა და ანკ-ს ქმედებებს და მათ მოიხსენიებდნენ როგორც კომუნისტებს და ტერორისტებს.
1990 წელს ციხიდან განთავისუფლების შემდეგ მანდელამ შეცვალა თავისი პოლიტიკური კურსი ზომიერისაკენ, რამაც ხელი შეუწყო სამხრეთ აფრიკაში რასობრივი შუღლის შემსუბუქებას და დემოკრატიის დამყარებას.
მანდელას მიღებული აქვს ასზე მეტი სხვადასხვა ჯილდო, მათ შორის ნობელის პრემია მშვიდობის დარგში 1993 წელს. სამხრეთ აფრიკაში ის მოიხსენიება როგორც მადიბა, წოდება რომელსაც მანდელას კლანის მხცოვან და პატივცემულ წევრებს ანიჭებენ.