სამხრეთ აფრიკის რესპუბლიკაში, 96 წლის ასაკში, ნობელის პრემიის ლაურეატი ნელსონ მანდელა გარდაიცვალა.
მანდელა ქვეყნის პირველი შავკანიანი პრეზიდენტი იყო. სახელმწიფოს მეთაურმა ჯეიკობ ზუმამ მას ერის მამა უწოდა.
მსოფლიოს ქვეყნების ლიდერები სამძიმარს გამოთქვამენ მანდელას გარდაცვალების გამო.
მანდელა იოჰანესბურგში საკუთარ სახლში გარდაიცვალა. ორი დღის წინ მისმა ქალიშვილმა მაკავიზე მანდელამ განაცხადა, რომ მამამისი სიკვდილის პირას იყო.
ქვეყნის პეზიდენტმა ზუმამ, აღნიშნა, რომ მანდელა ყველაზე უფრო მეტად განასახიერებდა სამხრეთ აფრიკის ეროვნულ თანხმობას.
ხელისუფლების გადაწყვეტილებით ნესლონ მადელას, როგორც ერის მამას სახელმწიფო დაკრძალავს. ქვეყანაში დაშვებული იქნება სახელმწიფო დროშები.
ნელსონ მანდელა - როლიჰლაჰლა დალიბუნგა მანდელა (Rolihlahla Dalibhunga Mandela) დაიბადა 1918 წლის 18 ივლისს.
პრეზიდენტობამდე იყო ანტიაპერტეიდის მოძრაობის აქტივისტი და აფრიკის ნაციონალური კონგრესის (ანკ) ლიდერი. მანდელამ ციხეში გაატარა 27 წელი საბოტაჟისათვის მას შემდეგ რაც ანკ იატაკქვეშეთში გადავიდა და შეიარაღებული ბრძოლა დაიწყო.
ციხეში გატარებული 27 წლის განმავლობაში მანდელა გახდა ანტიაპერტეიდის მოძრაობის და ზოგადად რასული თანასწორობისათვის ბრძოლის სიმბოლო როგორც სამხრეთ აფრიკაში ასევე მის საზღვრებს გარეთ.
სამხრეთ აფრიკის მაშინდელი მთავრობა, ისევე როგორც მისი მხარდამჭერი ქვეყნები გმობდნენ მანდელასა და ანკ-ს ქმედებებს და მათ მოიხსენიებდნენ როგორც კომუნისტებს და ტერორისტებს.
1990 წელს ციხიდან განთავისუფლების შემდეგ მანდელამ შეცვალა თავისი პოლიტიკური კურსი ზომიერისაკენ, რამაც ხელი შეუწყო სამხრეთ აფრიკაში რასობრივი შუღლის შემსუბუქებას და დემოკრატიის დამყარებას.
მანდელას მიღებული აქვს ასზე მეტი სხვადასხვა ჯილდო, მათ შორის ნობელის პრემია მშვიდობის დარგში 1993 წელს. სამხრეთ აფრიკაში ის მოიხსენიება როგორც მადიბა, წოდება რომელსაც მანდელას კლანის მხცოვან და პატივცემულ წევრებს ანიჭებენ.