ჯანდაცვის სამინისტროს აბორტებთან დაკავშირებით კონკრეტული სამოქმედო გეგმა, სავარაუდოდ, იანვარში ექნება. ამის შესახებ, ჯანდაცვის მინისტრმა დავით სერგეენკომ მთავრობის სხდომის დასრულების შემდეგ განაცხადა.
,,აბორტთან დაკავშირებით ცვლილებები იგეგმება. ამ ცვლილებებს შეიმუშავებს ჯანდაცვის სამინისტროსთან არსებული დედათა და ბავშვთა საბჭო. ეს არ არის პროცესის გამკაცრება, რადგან მხოლოდ მექანიკური გამკაცრება გამოცდილება გვაჩვენებს, რომ უკუეფექტს გვაძლევს. ამ საკითხზე მუშაობს ექსპერტების ჯგუფი და იმედი მაქვს, რომ წლის ბოლოსთვის თუ არა იანვრის თვის განმავლობაში მივიღებთ კონკრეტულ სამოქმედო გეგმას, რომელიც მხოლოდ გამკაცრებას არ გულისხმობს, ეს მრავალმხრივი პრობლემაა, რომელიც იმედია მოგვარდება და დარეგულირდება", _განაცხადა სერგეენკომ.
