9 დეკემბერს საქართველოს მთელს ტერიტორიაზე ითოვებს. როგორც ,,ჯი-ეიჩ-ენთან" საუბარში ჰიდრომეტეოროლოგიური კვლევის ცენტრის მონიტორინგისა და პროგნოზირების სამსახურის უფროსმა სვეტა ნიორაძემ განაცხადა თოვლია მოსალოდნელი თბილისშიც
მისივე განმარტებით, 9 დეკემბრამდე საქართველოს მთელს ტერიტორიაზე ყინვა კვლავ შენარჩუნდება.
,,საქართველოს მთელს ტერიტორიაზე 8-9 დეკემბერს ნალექს ველოდები. რვა დეკემბერს ძირითად წვიმის სახით, ხოლო უკვე რვა დეკემბრის გვიან ღამით საქართველოს მთელს ტერიტორიაზე ითოვებს და 9 დეკემბერს შენარჩუნდება ნალექი თოვლის სახით, როგორც დასავლეთ, ასევე აღმოსავლეთ საქართველოში", _განაცხადა ,,ჯი-ეიჩ-ენთან" საუბარში სვეტა ნიორაძემ.
მისივე განმარტებით, 9 დეკემბერს, აღმოსავლეთ საქართველოში გამოიდარებს, ხოლო დასავლეთ საქართველოში ნალექი კვლავ შენარჩუნდება. როგორც ნიორაძემ ,,ჯი-ეიჩ-ენთან" საუბარში განმარტა მომდევნო დღეების განმავლობაში საქართველოს ტერიტორიაზე ყინვა შენარჩუნდება.
,, 8-9 დეკემბრამდე ყინვა შენარჩუნდება. თბილისში დღესაც -5 გრადუსამდე ყინვას ველოდებით, დასავლეთ საქართველოში -1 გრადუსს, ხოლო აღმოსავლეთ საქართველოში -8 გრადუსი ყინვაა მოსალოდნელი", _განაცხადა ნიორაძემ.