დღეს, 5 დეკემბერს, სასტუმროში „რედისონ ბლუ ივერია", 10:30-ზე ევროკავშირის მიერ დაფინანსებული თვინინგის პროექტის ფარგლებში კონფერენცია გაიმართება.
კონფერენციაზე მეტროლოგიისა და სტანდარტიზაციის სექტორებში საერთაშორისო დონეზე აღიარებული საუკეთესო პრაქტიკის დანერგვის, ვაჭრობაში ტექნიკური ბარიერების შემცირებისა და ქართველი მეწარმეებისათვის ევროპულ ბაზარზე შესვლის ხელშეწყობის საკითხებს განიხილავენ.
ღონისძიებაში მონაწილეობენ ევროკავშირის ელჩი საქართველოში ფილიპ დიმიტროვი, გერმანიის ფედერაციული რესპუბლიკის ელჩი საქართველოში ორთვინ ჰენიგი, ლიტვის რესპუბლიკის ელჩი საქართველოში იონას პასლასკაუსი, საქართველოს ეკონომიკისა და მდგრადი განვითარების მინისტრის მოადგილე ქეთევან ბოჭორიშვილი, საქართველოს სტანდარტების და მეტროლოგიის ეროვნული სააგენტოს წარმომადგენლები და სხვა ოფიციალური პირები.
