ლტოლვილთა და განსახლების მინისტრი დავით დარახველიძის განცხადებით, იმ დევნილებს რომელთა შემოსავალი თვეში 1250 ლარია 2014 წლის მარტის შემდეგ დევნილთა შემწეობას ვეღარ მიიღებენ.
როგორც ჟურნალისტებთან დარახველიძემ განმარტა ამგვარი კატეგორიის დევნილების რაოდენობა 6 ათასიდან 7 ათასამდე მერყეობს.
„ბუნებრივია ზოგს თვეში ექნება ასეთი შემოსავალი, შესაბამისად მას აღარ ექნება დევნილთა შემწეობა. თუ მომდევნო თვეს ასეთი შემოსავალი მას არ ექნება მას ავტომატურად აღუდგება დევნილთა შემწეობა.
ხაზგასმით მინდა ვთქვა, რომ ეს არ ეხება ოჯახის წევრებს. ასეთი შემოსავალი შეიძლება ჰქონდეს ოჯახის რომელიმე წევრს. შესაბამისად ასეთ შემთხვევაში ოჯახის ეს წევრი ვერ მიიღებს დევნილთა შემწეობას", _ განაცხადა დარახველიძემ.
მისივე განმარტებით, დევნილთა სამინისტრო შემოსავლების სამსახურის დახმარებით გააკონტროლებს დევნილთა შემოსავალს.
„ეს ინფორმაცია აქვს შემოსავლების სამსახურს და ყველა მოწესრიგბული იურიდიული პირი აბარებს საშემოსავლო დეკრატაციას სადაც აისახება მისი შემოსავლები, შესაბამისად ჩვენ ამ მონაცემებს შემოსავლების სამსახურიდან მივიღებთ",_ განაცხადა დარახველიძემ.