2013 წლის 1 დეკემბერს, 11:00 საათზე, ბათუმის შოთა რუსთაველის სახელმწიფო უნივერსიტეტის ჯანდაცვის მიმართულების პროფესორები და ბათუმის რეფერალური საავადმყოფო, ხულოს მუნიციპალიტეტის მხარდაჭერით, „ჩემი ოჯახის კლინიკის" ქსელში არსებულ შუახევის საავადმყოფოს ბაზაზე ატარებენ უფასო სამედიცინო გამოკვლევებს.
აქციის ფარგლებში სხალთა ხიხაძირის ხეობის - თხილვანას, ხიხაძირის, ფუშუკაურისა და სხალთის თემების მოსახლეობისათვის ჩატარდება უფასო სამედიცინო გასინჯვა, ექოსკოპიური და რენტგენოლოგიური გამოკვლევები და საჭიროების შემთხვევაში დამატებითი დიაგნოსტიკა (თერაპიის, პედიატრიის, კარდიოლოგიის, ენდოკრინოლოგიის, უროლოგიის, ალერგოლოგიის, ქირურგიის, ანგიოლოგიის, ონკოლოგიის, რადიოლოგიის, ნევროლოგიის, ოტორინოლარინგოლოგიის, ტრავმატოლოგიის, დერმატო-ვენეროლოგიის, გინეკოლოგიის, ორთოპედიისა და სტომატოლოგიის მიმართულებით).
ხიხაძირისა და ფუშუკაურის ამბულატორიებს ბათუმის სახელმწიფო უნივერსიტეტი უფასოდ გადასცემს პირველადი საჭიროების მედიკამენტებს.
მოსახლეობის ტრანსპორტირება უფასოა. შეკრება შედგება 10:00 საათზე, შესაბამისი თემების სოფლის სახლების მიმდებარე ტერიტორიაზე. დამატებითი ინფორმაციისათვის მიმართეთ სოფლის სპეციალისტებს.
