საქართველოს მთავარმა პროკურორმა ოთარ ფარცხალაძემ დეპარტამენტის ხელმძღვანელებსა და ოლქის პროკურორებთან პირველი შეხვედრა გამართა. შეხვედრა გაცნობითი ხასიათის იყო.
მთავარმა პროკურორმა იმ ამოცანებზე ისაუბრა, რაც საქართველოს პროკურატურის მიერ ეფექტურ გადაწყვეტას მოითხოვს. მთავარმა პროკურორმა აღნიშნა, რომ ხსენებული მიზნების განსახორციელებლად პროკურატურის გუნდს მუხლჩაუხრელი შრომა მოუწევს. მისი თქმით, დღეს პროკურატურის წინაშე რთული გამოწვევები დგას, რომელთა წარმატებით დაძლევისაკენ უნდა იყოს მიმართული პროკურატურის ერთიანი გუნდის მუშაობა და ძალისხმევა.
