თბილისის მერიამ დედაქალაქის მასშტაბით, არსებულ საბავშვო ბაღებში ინფრასტრუქტურული სამუშაოების განხორციელება დაიწყო. სკოლამდელი აღზრდის 122 დაწესებულებაში ცენტრალური გათბობის სისტემისა და მეტალო პლასტმასის კარ-ფანჯრების მონტაჟი ეტაპობრივად მიმდინარეობს. სამუშაოები მიმდინარე წლის ბოლომდე დასრულდება.
მოსახლეობის მხრიდან გაზრდილი მოთხოვნის დაკმაყოფილების მიზნით, თბილისის მერია 2014 წლიდან ახალი ბაღების მშენებლობას გეგმავს. კონკურსი ბაღების პროექტირებაზე საბავშვო ბაღების მართვის სააგენტომ უკვე გამოცხადა.
თბილისის მერმა გიგი უგულავამ დღეს, გლდანში მდებარე 190-ე საბავშვო ბაღში მიმდინარე სამუშაოები დაათვალიერა და პედაგოგებსა და აღმზრდელებს გაესაუბრა.