ტელეკომპანია "რუსთავი 2"- ის დამფუძნებლების პასუხი მმართველი საპარლამენტო უმრავლესობის წევრის ბრალდებებზე, გიორგი და ლევან ყარამანიშვილები, გადაცემა "პოზიციაში" საქართველოს პარლამენტის წევრის განცხადებას ეხმაურებიან.
"თინა ხიდაშელმა გაავრცელა ცრუ ინფორმაცია ტელეკომპანია "რუსთავი 2"-ის მფლობელების გიორგი და ლევან ყარამანიშვილების თაობაზე, ხიდაშელმა განაცხადა, თითქოს მათ უკანონოდ მოიპოვეს თბილისში სამარშუტო ხაზების ბიზნესი. ასევე, დაადანაშაულა დამფუძნებლები უკანონო ქმედებებში ტელეკომპანიის მფლობელობასთან დაკავშირებით.
სრული პასუხისმგებლობით ვაცხადებით, რომ არც ახლა და არც მანამდე არ გვქონია არანაირი კავშირი ქალაქ თბილისის სამარშუტო ტრანსპორტთან. ასვეე, ტელეკომპანია "რუსთავი 2" იმყოფება ჩვენს კანონიერ მფლობელობაში და ჩვენს მიერ ტელეკომპანიის შესაძენად განხორციელებული არცერთი ტრანზაქციით არ დარღვეულა საქართველოს კანონმდებლობა.
ვწუხვართ, რომ ხიდაშელის თვადასხმები ტელეკომპანიებზე და მის დამფუძნებლებზე იღებს მიზანმიმართული და თანმიმდევრული ტენდენციის სახეს, რითაც საქართველოს ხელისუფლების მაღალი წარმომადგენელი ლახავს დამფუძნებლების საკუთრების კონსტიტუციურ უფლებას და ზეწოლას ახორციელებს თავისუფალ მედიაზე", - ნათქვამია განცხადებაში.
