საქართველოს ტექნიკური უნივერსიტეტის დიდი ჯიხაიშის კოლეჯის ბაზაზე ტრაქტორისტ-მემანქანეთა გადამზადების პროგრამა განხორციელდა. პროექტი გაეროს განვითარების პროგრამის ("უნარების განვითარება სასოფლო-სამეურნეო მანქანებისადმი ხელმისაწვდომობის გაზრდის მიზნით") საქართველოში გაეროს წარმომადგენლის მოადგილის ინიტა პავლოვიჩისა და საქართველოს ტექნიკური უნივერსიტეტის რექტორს არჩილ ფრანგიშვილს შორის ხელმოწერილი შეთანხმების თანახმად განხორციელდა.
გაერომ გამოყო გრანტი 160 800 ლარის ოდენობით. მსმენელების პარაქტიკული მომზადების მიზნით საქართველოს სოფლის მეურნეობის სამინისტრომ გამოყო უახლესი მოდიფიკაციის "ჯონ დირის", "ნიუ ჰოლანდის" და "ბელორუსის" მარკის 6 ტრაქტორი.
აღსანიშნავია, რომ სტუ-ს დიდი ჯიხაიშის კოლეჯის ბაზაზე მომზადებული მსმენელების მიერ მართვის მოწმობის მიღების მაჩვენებელი ერთ-ერთი ყველაზე მაღალია რესპუბლიკის მასშტაბით. გაეროს პროექტით მომზადებული ტრაქტორისტ-მემანქანეთა გრანტის ხარჯვის მიზნობრიობა, გაეროს შეკვეთით, შეამოწმა საერთაშორისო სააუდიტორო ფირმამ "Georgia Audit&Consulting Companu, Memder of Crome Horwath Internacional". ფირმამ დასკვნა განათავსა საკუთარ საიტზე, რომელშიც აღნიშნულია სტუ-ს მიერ შესრულებული სამუშაოს პროფესიონალიზმი, გამჭვირვალობა და ეფექტი.
